Fórmate e desenvolve o teu talento dixital

Cursos gratuítos para desempregados/as, traballadores/as e autónomos/as

A Consellería de Promoción do Emprego e Igualdade e o Clúster TIC de Galicia poñen en marcha un convenio de colaboración para a realización de accións formativas co obxectivo de cumprir coas aspiracións de promoción profesional e desenvolvemento persoal dos traballadores/as, autónomos/as e desempregados/as de Galicia, así como mellorar as competencias e habilidades tecnolóxicas para dar resposta ás necesidades actuais do mercado. 

Solicita a túa praza

Proximamente nova convocatoria 2023

Quedaches sen a oportunidade de realizar algún dos nosos cursos? Gustaríache continuar formándote o próximo ano? Non te preocupes! Estamos a preparar a programación 2023, con novos plans de formación cos que ampliaremos a nosa oferta formativa de cursos gratuítos

Prepárate para desenvolver o teu talento e facer realidade todas as túas aspiracións profesionais!

Formación dixital á túa medida

Estes cursos dirixidos a traballadores/as, autónomos/as e desempregados/as de Galicia, impártense en modalidade online, modalidade aula virtual e modalidade mixta, e con eles poderás:

• Completar a túa formación gratis nunha materia concreta.
• Mellorar as túas competencias profesionais a través das novas tecnoloxías e co apoio continuo de titores especializados.
• Prepararte para responder as necesidades actuais da empresa, así como para asumir novas responsabilidades ou funcións.

Esta formación está 100% subvencionada pola Xunta de Galicia e o Ministerio de Traballo e Economía Social, o que significa que non consome créditos de formación e que non che custará nin un euro. 

Unha vez finalizada a formación, obterás un diploma que certifica o correcto aproveitamento do curso.

Solicita a túa praza!